Назар аудар

2010 жылы  «Назар Аудар» құрамасы  Орал қаласында құрылды. Сол жылы Батыс Қазақстан облысының әкімінің кубогін жеңіп алды.    

2011 жылы «Қазақстан КВН одағы» Жайдарман сайыстарына барып,  бірден жоғары лига ойындарына жолдама алды. Финалға дейін жетті.

2012 жылы маусым бойы ойнап, тағы да финалист атанды.

2013 жылы «Назар Аудар» құрамасы Жайдарман сайысының Чемпионы атанды.

2014 жылы «Қазақстан» ұлттық арнасы түсірген «Ұлттық шоу» бағдарламасында өнер көрсетті. Олар «Қазақстан» ұлттық арнасына өздерінің есеп беру концертін ұсынып, кейін Тұрсынбек Қабатов бастаған «КТК-да Қабатов» бағдарламасына қатысты.

2015 жылы Қазақша КВН-нің «Туған күн» арнайы жобасында 1 орынды иеленді. Сол жылы 31 арна түсірген «Бурабай-Әзіл фест» жобасында өнер көрсетті.

2016 жылы «Қазақстан» ұлттық арнасы «Көңілашар» жобасында екінші есеп беру концертін береді.

2017 жылы Тұрсынбек Қабатов бастаған «Көңілді тапқырлар алаңында» чемпион  атанды.

2018 жылы Қазақстанның барлық кинотеатрларына «Ұлы Дала Комедиясы» атты үлкен метражды фильм жарық көрді. Фильмнің авторы, сценаристтері -  «Назар Аудар» кұрамасы. Сол жылы «Astana Film Academy» ұйымдастыруымен Мемлекет мақтанышы-2018 премиясына ие болады.

2018 жылы Тұрсынбек Қабатовтың қолдауымен Нұр-сұлтан қаласы әкімдігінің «Nomad City Hall» концерт залына жұмысқа тұрып, «Назар Аудар» театры атанып 1-ші үлкен концерттерін берді.

2019 жылы 1 наурыз күні өтетін екінші концерттерін өткізіп, «Қазақстан» ұлттық арнасынан көрсетілді.

Инстаграм желісінде @nazaraudar_official парақшасында – 300.000 оқырман бар.